VORE CREATIVE al vûl creâ une ocasion di orientament scolastic e professionâl indreçade ae imprenditorialitât culturâl zovine.
Midiant cualchi pontade de serie INT/ART e il sucessîf incuintri cui siei protagoniscj, si intint ancje sensibilizâ i zovins al ûs de lenghe minoritarie, la lenghe mari dai artiscj protagoniscj, e ai valôrs de identitât culturâl furlane intai diviers contescj artistics.
Il progjet al è indreçât ai students de scuele secondarie di II grât e ai students dal ultin an de scuele secondarie di l grât.
Un incuintri di cirche 2 oris cui students: proiezion di trê/cuatri pontadis de serie TV e un incuintri cul protagonist di une des pontadis e il regjist de serie.
Trop isal complès esprimi la creativitât intune lenghe minoritarie? Cemût si compagnino lis lidrîs culturâls cu la necessitât di contaminazion e inovazion? Cualis sono lis prospetivis pal avignî?
Storiis di zovins artiscj furlans tra l’amôr pe art e la identitât culturâl e linguistiche. Il rapuart cu la lenghe mari, cemût che e je nassude la passion pe art.
Calendari dai incuintris tes scuelis